Lungatg. Cultura. Divertiment.

Beinvegni!

La midada da Laax a Glion la stad 2015 ei gartegiada per cuntentientscha cumpleina. Il niev liug cugl edifeci voluminus – la Casa da Sentupada – tschentada perfetgamein ella spunda sulegliva sul marcau si porscha in’infrastructura optimala per realisar nies cuors da romontsch.

 

Pil CR2016 dat ei dus novums: in endischavel livel ed in cuors per affons da 6 tochen 10 onns.

 

Sin questa pagina anfleis Vus las informaziuns detagliadas davart il cuors, en tut special era en nossa broschura digitala. Per ulteriur sclariment stein nus fetg bugen a disposiziun.

 

Essas era Vus dalla partida il fenadur cu ei ha puspei num per duas jamnas: «Lungatg – Cultura – Divertiment»? Nus selegrassen!

 

Il team da direcziun ed organisaziun

Silvana Caviezel, Conradin Klaiss, Francestg Friberg

  • «Mia finamira eis ei da saver in ulteriur lungatg. Jeu haiel fetg bugen lungatgs, discuorel gia siat e romontsch vegn ad esser igl otgavel ch’jeu vi saver tschintschar.» Arne Polage, Düsseldorf
  • ««Suenter che nus havein fatg quei cuors vegnin nus a saver tschintschar empau dapli romontsch cun mumma e cun tatta.»» Curdin e Flurin Brändli, Malans
  • «Dapi 1974 vegnel jeu al cuors da romontsch. A casa a Bucarest saiel jeu buca tschintschar romontsch. Culla gasetta saiel jeu exercitar e tener frestg il lungatg.» Madleina Popescu-Marin, Bucarest
  • «Jeu haiel plascher d’emprender lungatgs ed il lungatg da mes perdavons ei ina part da mias ragischs.» Peter Caplazi, Landquart
  • «Jeu haiel frequentau gia biars cuors, mo quel cheu ei fenomenal buns.» Ruth von Wyl, Cuera