lungatg – cultura – divertiment
Cara amitga, car amitg dil lungatg romontsch e da sia cultura
Il Cuors romontsch sursilvan dalla FRR munta: sfundrar duas jamnas el lungatg romontsch e sia cultura. En 9 differents livels ed in cuors per affons (6-10 onns) san persunas interessadas emprender da discuorer e da scriver romontsch sursilvan. Sper las lecziuns da lungatg stattan la sera prelecziuns, concerts e referats sil program. Per quei intent envida il Cuors romontsch interessantas persunalitads che han in connex cul lungatg ni culla regiun. Il di d'excursiun ed il cant communabel cumpleteschan il program variont e singular.
Nus selegrassen dad astgar intermediar a Vus (danovamein) duas jamnas lungatg e cultura egl ambient cordial dalla Casa Sentupada.
VIES TEAM CUORS ROMONTSCH INTENSIV FRR 2024
Ils Livels
Ils livels 1-7 lavuran cul mied d'instrucziun da Gieri Menzli.
Il mied ei venals igl emprem di da cuors. Tgi che ha interess sa era retrer quel gia ordavon tier la Lia Rumantscha (www.liarumantscha.ch)
AFFONS 6-10
Per affons che han neginas ni paucas enconuschientschas dil lungatg romontsch. Instrucziun ludica ed adattada alla vegliadetgna. Affons ella vegliadetgna da 10 onns ensi san era separticipar ad in livel culs carschi (livels 1-8). Viceversa san affons tochen 12 onns, suenter cunvegnientscha, separticipar alla classa d'affons.
LIVEL 1A
Neginas enconuschientschas preliminaras dil lungatg romontsch. Mied d’instrucziun: Cuors romontsch sursilvan 1 (G. Menzli)
lecziuns 1-5 (progressiun moderada)
LIVEL 1B
Neginas enconuschientschas preliminaras dil lungatg romontsch. Mied d’instrucziun: Cuors romontsch sursilvan 1 (G. Menzli)
lecziuns 1-5 (progressiun accelerada)
LIVEL 2
Mied d’instrucziun: Cuors romontsch sursilvan 1 (G. Menzli)
lecziuns 6-10
LIVEL 3
Mied d’instrucziun: Cuors romontsch sursilvan 1 (G. Menzli)
lecziuns 11-15
LIVEL 4
Mieds d’instrucziun: Cuors romontsch sursilvan 1 (G. Menzli), lecziuns 16-18.
Cuors romontsch sursilvan 2 (G. Menzli), lecziuns 1-2.
LIVEL 5
Mied d’instrucziun: Cuors romontsch sursilvan 2 (G. Menzli)
lecziuns 3-7
LIVEL 6
Mied d’instrucziun: Cuors romontsch sursilvan 2 (G. Menzli)
lecziuns 8-12
LIVEL 7
Mied d’instrucziun: Cuors romontsch sursilvan 2 (G. Menzli)
lecziuns 13-16
LIVEL 8
Il livel 8 vegn menaus en moduls.
Il cuors 2024 integrescha per l'emprema ga ils livel 8 e 9 en in cuors modular. Igl onn 2023 era il livel 8 aunc vegnius menaus sco livel da repetiziun ed il livel 9 sco cuors modular. Da niev vegnan participontas e participonts dil livel 8 a saver eleger mintgamai denter treis moduls parallels.
Ils moduls vegnan instrui da scolastas e scolasts dil cuors romontsch sco era da docents hospitonts en fuorma da conversaziun, luvratoris, prelecziuns e seminaris. Cuntegns pusseivels: actualitad, tematicas dil mintgadi, grammatica, linguistica, derivonza dils plaids, litteratura, historia dil lungatg, sociolinguistica, cultura, art, economia ed ecologia ella regiun, turissem, auters idioms e lungatgs.
Per survegnir in'idea davart cuntegns pusseivels dils moduls, mira ils moduls dalla stad 2023. Igl ulteriur tierz modul focussescha silla repetiziun da cuntegns grammaticals che vegnan gest applicai en exercezis a bucca ed a scret.
Schebein il cuors vegn renconuschius sco cuors da perfecziunament decida il presidi da scola dil participont.
Cuors cun tradiziun
La Fundaziun Retoromana Pader Flurin Maissen (FRR) organisescha dapi igl onn 1969 mintg’onn il Cuors romontsch sursilvan intensiv (CR). Quel ha priu sia entschatta a Rumein, midau igl onn 1982 per motivs da plaz a Laax en Casa Caltgera, ed ha liug dapi igl onn 2015 a Glion. Enteifer quels varga 50 onns ha il CR fatg in svilup admirabel.
L’evoluziun dils livels
Deva ei al CR igl onn 1969 in sulet livel, eis el sesviluppaus tochen la stad 2019 ad ina purschida dad 12 livels che sedifferenzieschan aschibein en lur grevezia sco era en lur structura. Ils livels 1 (1A / 1B) tochen 7 han ina progressiun sistematica naven d’entscheviders tochen avanzai (corrispunda als livels internaziunals A1, A2, B1, B2).
Naven dalla stad 2024 vegnan ils anteriurs livels 8, 9 e 10 menai en in livel 8 modular.
Da 20 sin 141 participonts
Era il diember da participontas e participonts ei sesviluppaus cuntinuadamein el decuors dils onns. Dumbrava igl emprem cuors 1969 rodund 20, quel dil 1990 31, quel dil 2000 71, e quel dils 2010 93 persunas, ei il CR digl onn 2023 sepresentaus culla loscha cefra da 141 participonts.
Svilup logistic
Il diember da participonts ha fatg in segl d'intragliauter 80 sin varga 110 cu il CR ha giu liug il 2015 per l’emprema ga ella claustra a Glion, la quala possibilitescha da realisar l’entira vasta purschida dil CR a moda optimala sut in tetg. Ils ferms attributs dil niev liug ein specialmein: liug central enteifer la Surselva cun bien access da tuttas varts e tuttina liug da siu persei e ruasseivel, stanzas da scolaziun modernas, aula pil program accumpignont, combras per la pernottaziun, mensa, baselgia, pusseivladads avon casa da far spassegiadas ella natira, ina halla da sport, curtgins, stanzas da studi, differentas terrassas, ina caffetaria.
Realisaziun CR 24
Il CR 24 sespleiga dils 14 tochen ils 27 da fenadur a Glion ella Casa da Sentupada. Las classas vegnan instruidas da scolastas e scolasts cun formaziun linguistica, la lavur da secretariat vegn prestada da Rita Wolf. La direcziun generala schai els mauns da Conradin Klaiss.
Nus lein relevar il suandont davart il CR:
- ei era adattaus per Romontschas e Romontschs
- meina in cuors specific per affons da 6 tochen 10 onns
- dat denter auter la pusseivladad a scolaras e scolars romontschs da sepreparar per examens da recepziun a scolas cuntinuontas
- ei denter auter ina purschida da perfecziunament per studentas e students da gimnasi, scolas medias, scolas aultas, universitads
- porscha culla concepziun modulara dil livel 8 ina formaziun linguistica per scolasts che instrueschan alla scola romontscha e bilingua en Surselva ed ordeifer
- intermediescha aschibein lungatg sco era cultura
- promova la convivenza sursilvana, mo era cantunala e naziunala
Resuns
«Der Cuors Romontsch ist weit mehr als nur ein Sprachkurs: Von morgens früh bis abends spät wurde uns ein abwechslungsreiches Programm von Kultur, Kulinarik und Geschichte der Region angeboten. Die grosse Motivation der Lehrpersonen und all derer, die am Cuors beteiligt waren, wirkt so stark nach, dass ich noch Wochen danach jeden Tag mit grösster Freude Romanisch lerne.»
cedric zengafinnen
steg (VS)
«Per mei eis ei sempel da resumar il cuors romontsch: Niev lungatg, novs amitgs*! Enzacons* hai jeu empriu d’enconuscher en classa, auters* duront il sport, al program cultural, all’excursiun ni duront las tscheinas communablas e las seras da giug. Glieud divertenta ed in program cun bia variaziun che lai aviert negins giavischs (sch’ins sa dir quei per romontsch…).»
Melanie bösiger
friburg
«Wer im Juli, statt in den Urlaub zu fahren, in Glion den Intensivsprachkurs Sursilvan besucht, wird sehr viel mehr erleben als am Meeresstrand! Denn im Cuors romontsch der Fundaziun Retoromana lernt man nicht nur die schöne, klangvolle Sprache der Surselva sprechen und schreiben, sondern erfährt auch viel Interessantes über die Kultur, die Geschichte und die Mentalität der Rätoromanen. Dabei kommt man ins Gespräch mit Leuten aus allen Teilen der Schweiz, die in ganz unterschiedlichen Berufen tätig sind, jedoch alle vor allem möglichst viel Sursilvan lernen möchten. Die Lehrkräfte geben alle ihr Bestes und kombinieren das Nützliche mit dem Angenehmen; mit Fantasie sorgen sie für Abwechslung und spielerische Unterhaltung.»
heidy margrit müller
trun (GR)
«Schon seit vielen Jahren lebe und arbeite ich in der Surselva. Irgendwann habe ich begriffen: Romanischlernen geschieht nicht «einfach so». Im Cuors romontsch wurde ich durch die Intensität des Angebotes in den Bann des Sursilvan gezogen, ich konnte mein Heimatgefühl für die Region pflegen, meine grauen Hirnzellen aktivieren und viele interessante Menschen kennenlernen. Die wohltuende Stimmung am CR habe ich sehr genossen. Darum bin ich auch dieses Jahr wieder mit dabei.»
REBEKKA MADER
Glion (GR)
«Wir (Mama mit zwei Kindern) wussten nicht, was uns im Romanischkurs erwarten würde. Kurz: Nach diesem Kurs war uns allen klar, nächstes Jahr sind wir wieder dabei! Eine Sprache lieben lernen heisst auch üben und das geht hier bestens mit den kompetenten, engagierten und humorvollen Lehrerinnen und Lehrer mit Herzblut für ihre Muttersprache!»
Birgit Herbster
oberwil (BL)
«I enrolled in the Cuors Romontsch to begin to reacquaint myself (relearn) what had long ago been a native tongue. The two week experience was great, I learned more than I thought and I was able to create more than a few sentences to converse… and understood even more! I have much more work ahead of me, but Cuors Romontsch provided the materials and motivation to do so.»
Giancarlo Malchiodi
Brooklyn
«Ich könnte mir keinen Sommer mehr ohne Cuors romontsch vorstellen! Ich bin als Anfängerin eingestiegen, bin herzlich aufgenommen worden, habe mich sofort wohl gefühlt. Ich habe auch viel gelernt, sei es sprachlich, kulturell – durchs Rahmenprogramm – oder habe, dank des Ausfluges, die Region besser kennenlernen können. Von meiner Begeisterung zum CR bin ich sozusagen süchtig geworden…»
CORINNE STEHLE-MEIER
Losanna
«Miu highlight digl onn! Ils inscunters culla glieud da dapertut, ils top scolasts e las top scolastas cun lur immens engaschi, e la Casa da Sentupada ella bellezia cuntrada creeschan mintg’onn ina atmosfera unica per mei. Ins sesenta sco en ina gronda famiglia. Ed enamiez tut: il romontsch.»
